تعالوا نضحك وننسى الهموم

محشش معصب يسولف لزوجته يقول اليوم صارت معي قصة غريبه و من كثر ما هي غريبه أكيد ماانتي مصدقه و بتقولين كذاب بس انا ماني كذاب انتي واهلك الكذابين ياقليلة الأدب انقلعي انتي طالق !!

هنا قناة أخبار المحششين /// ... عااااااجل :تحطم طائرة صغيرة تتسع لراكبين فقط...فوق أحد المقابر ،وقام فريق من المحششين بإنتشال أكثر من 150 جثه و مازال الحفر مستمراً في محاولة العثور على ناجين !!!!

طلاب محششين طلعوا من الامتحان ماحلوا شي، قال الاول: سلمت الورقة فاضيه قال الثاني: انا نفس الشي، قال الثالث: يالله توهقنا الحين بيقولون غاشين من بعض

محشش اتصل بزوجته يسألها وشلون الكبريت اللي شريته لج؟ قالتله:والله كلهم ما شبوا!! قالها: وشلون!!! وانا مجربهم عود عود!!

محشش بيسافر مع ربعه.. وطول الطريق للمطار وهو يردد: ياليتني جبت التلفزيون ياليتني جبت التلفزيون، ويوم وصلوا للمطار قالوا ربعه: ازعجتنا وش تبي بالتلفزيون ؟ قال:الجوازات فوقه !!!

عجوز محششة ضايعة في لندن، كل ما شافت واحد قالتله: يا حمار، يا حمار، لين رد عليها واحد، قال: ما حمار إلا أنتي، قالتله: الله جابك تعال ودني لأهلي

محشش اغمى عليه بوسط الاختبار ...لييييش؟....مبرشم على المروحه

سألوا محشش وش اسباب الطلاق !...قال :الزواج

محشش في حصة انجليزي سأله الأستاذ : اذا بتقول لواحد تعال هنا وش تقول ؟ // قال المحشش : اقوله: كم هير ! // قال الاستاذ: شاطر ..واذا بتقوله رح هناك ؟ // قال المحشش : اروح هناك واقوله كم هير !!

محشش قاعد في غرفته يضرب راسه بالجدار، دخلت عليه أمه قالت: سلامات خالد قال: أيييي صح خالد

الاتصالات السعودية تفكر الغاء الرسايل المجانيه و السبب ان فيه مشترك محشش اتصل عليهم ألف مره ، كل ما ارسل رسالة يتصل عليهم و يقول:هاه ......عسى ما حسبتوها!

محشش بيذبح زوجته حط لها مسدس في العصير!!!

محشش راح الأتصالات يبي يشتري بلاك بيري// قالو له: لكن لازم تلتزم معانا سنة // قال المحشش: يعني تبي تقنعني يا ابن الذين أن كل اللي شروا منكم مطاوعة !!!

محشش واخوه

شافوا حادث سيارة على الدوار وطلبتهم المحكمه للشهادة . قال الأخ الكبير للقاضي انا يا شيخ بقولك وش اللي صار

- (جاء وزحف كل الاغراض اللي على طاولة القاضي وحط عقاله في النص وحط بكت الدخان جنب العقال و حط جنبه الولاعة

وفصخ نعاله ووضعه على حافة الطاوله ) قاله القاضي : وش تزين ..؟قال اوضحلك يا شيخ العقال الدوار وبكت الدخان سيارة هذا الرجال والولاعة سيارة الرجال الثاني ، بكت الدخان كان جنب العقال يعني داخل الدوار و الولاعة كانت جايه من خارج الدوار وصدمت في بكت الدخان يعني الخطا على الولاعة مو على بكت الدخان قاله القاضي : طيب النعلتين اللي على طرف الطاوله وشو له ؟

قاله هذول انا واخوي كنا نتفرج على الحادث يا شيخ

بلاش النكت اللى من النمط ده

فيها كلام غريب كتير مش فاهمين منه حاجة

لو هتجيب هات نكت مصرية

ومتنساش منتدى الصور سلام